Hlăm mmông bi tuôm, Dua tĭng mñă ktang thŭn 2025 jing thŭn mâo boh tŭ dưn yuôm bhăn hlăm hƀuê ênuk grăp lăn čar leh anăn hlăm klei mjĕ giăm dua tĭng, dua tĭng nao hgŭm hlăm lu mta bruă leh anăn knăm bi hdơr yuôm bhăn hdơ̆ng pô, hrăm mbĭt mkŏ mjing dŭm hdră bruă čiăng bi hdơr 75 thŭn hruê mkŏ mjing klei mjĕ giăm plah wah dua ala čar, bi êdah klei bi hgŭm knhuah gru mâo dua ala čar brei kơ hdơ̆ng pô.

Dua tĭng bi tŭ ư lač klei mjĕ giăm hdră êlan kluôm dhuôm dua ala čar Việt Nam - Russia dôk đĭ kyar jăk siam, bi mguôp hlăm dŭm mta bruă duh mkra - mnia mblei, duh bi liê dưi mtrŭt mjhar hŏng êlan klă klơ̆ng, tŭ dưn, boh nik jing bi mguôp bruă lŏ hma, mnơ̆ng hlăm dliê, kan hdang, mnơ̆ng ƀơ̆ng huă, bruă dua tĭng pŏk êlan phiơr kpă đru mtrŭt mđĭ klei mjĕ mjuk mnuih ƀuôn sang, hiu čhưn ênguê, mnia mblei plah wah dua ala čar.