Khua bruă kƀĭn ala Trần Thanh Mẫn mñă klă, Việt Nam dlăng kơ Mi jing ƀĭng hgŭm yuôm bhăn, leh anăn bi mni kơ Mi lŏ dơ̆ng sa ai hŏng sa Việt Nam mdrŏng ktang leh anăn êngiê. Hlăm wưng êgao, dŭm klei bi trông dưi hlăm djăp blah, grăp gưl bruă.

Hlăm wưng kơ anăp, Khua bruă kƀĭn ala Trần Thanh Mẫn mñă kơ dua tĭng hluê ngă tŭ dưn klei bi klă mbĭt leh anăn hdră êlan ngă bruă Việt Nam – Mi čiăng mđing truh bi hdơr 30 thŭn dua ala čar mkŏ mjing klei mjĕ giăm hlăm thŭn 2025. Bruă Kƀĭn Ala dua ala čar čiăng mđĭ hĭn klei bi trông êpul gưl dlông leh anăn dŭm gưl. Khua Bruă Kƀĭn Ala mñă klă, Mi lŏ dơ̆ng ksiêm dlăng tŭ yap hdră êlan bruă duh mkra mơ̆ng anôk mnia mblei Việt Nam, hnưm ba Việt Nam kbiă mơ̆ng hră anăn dŭm ala čar mkhư̆ klei mnia mblei leh anăn kdrăp mrâo mrang.