Blŭ hrăm hlăm knăm anei, Khua bruă kƀĭn ala Trần Thanh Mẫn mñă kơ klei kiă kriê lehanăn hdră êlan mă bruă kơ anăp, mơ̆ng khua gĭt gai Đảng Nguyễn Phú Trọng hŏng jih jang bruă rŭ mdơ̆ng, lehanăn bi kjăp knŭk kna yang ƀuôn ngă phŭn êngiê, mbĭt hŏng klei mkŏ mjing lehanăn hdră mơ̆ng anôk bruă kƀĭn ala mă bruă, tui hlue hŏng aturr mơ̆ng hdră êlan Mác - Lênin, klei mĭn Hồ Chí Minh kơ knŭk kna yang ƀuôn ngă phŭn êngiê.

Khua bruă kƀĭn ala Trần Thanh Mẫn mtă hlăm wưng tinăp, Anôk bruă kiă kriê klei hâo hưn gưl dlông bi mguôp hŏng dhar bruă gĭt gai bruă kƀĭn ala, sang kčoh mkra hdruôm hră Sự thật ala čar, lehanăn dŭm anôk bruă klei mrâo hâo hưn kơ boh phŭn hdruôm hră truh hŏng jih jang knuă druh, đảng viên, lehanăn mnuih ƀuôn sang hŏng lu hdră mdê mdê ba wĭt klei tŭ dưn./.