Lehanăn ksiêm jih jang bruă ka mâo ngă, bruă adôk kƀah, kñăm mă klei hriăm, čiăng mâo ngă jăk hĭn hlăm wưng tinăp. Brei thâo hlăm dŭm mlan adôk, bruă kƀĭn ala srăng ngă 3 klei bi kƀĭn tui si hdră dăp leh, lehanăn sa klei bi kƀĭn ksiêm wĭt bruă kƀĭn ala gưl 15, Khua bruă kƀĭn ala Trần Thanh Mẫn lač, anei jing bruă prŏng.

Kyuanăn, Khua bruă kƀĭn ala mtă, Êpul gơ̆ng bruă djuê ana, dŭm anôk bruă kƀĭn ala ngă bi leh bruă jao. Boh nik, thŭn 2025, lăn čar srăng mâo lu bruă prŏng msĕ si:  Bi hdơr 80 thŭn hrue kgŭ krŭ kdơ̆ng mlan 8 lehanăn mkŏ mjing klei hrue mkŏ mjing lăn čar 2/9; 50 thŭn hrue kwar dhŭng mâo klei êngiê mhluh lỉ lăn čar; mprăp kơ bruă ruah khua bruă kƀĭn ala gưl 16 lehanăn êpul gơ̆ng bruă ƀuôn sang dŭm gưl wưng thŭn 2026-2031. Thŭn 2026, Bruă kƀĭn ala bi hdơr 80 thŭn hrue ruah khua bruă kƀĭn ala Việt Nam.