Blŭ hrăm hlăm mmông mă bruă, Khua bruă kƀĭn ala Trần Thanh Mẫn mñă ktang kơhưm mơ̆ng Hải Phòng jing ƀuôn prŏng kdrŭn ksĭ, ƀăng phă phŭn nao kơ êa ksĭ leh anăn mkŏ dŭm bĭt êlan dơ̆ng prŏng mơ̆ng dŭm čar Nah Dưr, ƀiă anôk dưi mâo djăp 5 mta êlan yuôm bhăn: êlan êa ksĭ, êlan êa krông, êlan êdeh treng, êlan dơ̆ng, êlan êdeh phiơr, boh nik jing krŭn ksĭ êa êlam, kyuanăn bruă dŭ mđiăng đĭ kyar.

Khua Bruă Kƀĭn Ala mñă klă, Hải Phòng srăng ngă dŭm hdră êlan čuăl mkă hŏng 3 kmeh gơ̆ng đĭ kyar, bruă kdrŭn ksĭ – logistics, bruă tuh tia mtah, thâo mĭn, mrâo mrang, anôk bruă hiu čhưn ênguê êa ksĭ, mtrŭt mđĭ klei đĭ kyar 3 kiêng Hà Nội - Hải Phòng - Quảng Ninh hluê si hdră mtrŭn mrô 30 mơ̆ng Phŭn bruă kđi čar. Mtrŭt mđĭ bi hơĭt wăl duh bi liê mnia mblei, mtrŭt mđĭ klei mlih mrâo bruă ngă hră mơar knŭk kna.