Wăl kahan mrô 9 jưh ti alŭ wăl 12 čar, ƀuôn prŏng krĭng dap mnai krông Cửu Long, leh anăn jing anôk yuôm bhăn. Hlăm hƀuê ênuk klei bi blah sua wĭt klei êngiê, lĭng kahan leh anăn mnuih ƀuôn sang wăl kahan 9 mâo dŭm klei đru mguôp prŏng hlăm klei tŭ dưn hing ang mơ̆ng djuê ana. Blŭ hlăm mmông mă bruă, Khua bruă kƀĭn ala Trần Thanh Mẫn mñă klă, Wăl kahan mrô 9 čiăng hur har đru kơ mnuih ƀuôn sang lăm lui klei ư̆ êpa, bi hrŏ ƀun, mkŏ mkra krĭng ƀuôn sang mrâo, mđĭ kyar dhar kreh – ala ƀuôn, gang mkhư̆, mgaih msir boh jhat mơ̆ng klei truh yan adiê, klei ruă tưp, tui duah đru dŏng.

Bi mguôp hŏng êpul kahan ksiêm, lĭng kahan knông lăn, dŭm anôk bruă mơ̆ng phŭm bruă djŏ tuôm leh anăn bruă sang čư êa alŭ wăl, ktang phĭt gang mkhư̆, bi kdơ̆ng hŏng phung ngă soh, mkŏ mjing alŭ wăl êđăp ênang, čŏng pô bi rai djăp mnêč êlan, klei bi rai mơ̆ng phung roh. Khua Bruă Kƀĭn Ala mñă klă, Wăl kahan mrô 9 jêñ jêñ uêñ mĭn kriê dlăng klei hdĭp phung knuă druh, lĭng kahan. Ngă jăk dŭm hdră êlan, hdră đru kơ lĭng kahan.