Lŏ ksiêm wĭt boh tŭ mđĭ kyar bruă duh mkra ala ƀuôn mơ̆ng lăn čar leh anăn čar Bình Phước, Khua bruă kƀĭn ala Trần Thanh Mẫn lač, hlăm dŭm boh tŭ dưn anăn, mâo klei đru mguôp mơ̆ng Êpul gơ̆ng bruă ƀuôn sang čar, klei hrăm mbĭt sa ai, mâo bruă klam mơ̆ng phung bi ala Bruă Kƀĭn Ala gưl 15 čar Bình Phước. Êpul gơ̆ng bruă ƀuôn sang čar Bình Phước nao klă hŏng klei gĭt gai, ktrâo lač mơ̆ng gưl dlông leh anăn mâo lu klei mlih mrâo hlăm klei nghă bruă, boh tŭ klei ngă bruă mơ̆ng Êpul gơ̆ng bruă ƀuôn sang amâo mâo mdei dưi mđĭ hĭn, mlih mrâo kơ hdră ngă bruă leh anăn mta phŭn.

Khua bruă kƀĭn ala Trần Thanh Mẫn mñă kơ čar Bình Phước čiăng bi mguôp kjăp plah wah mđĭ kyar bruă duh mkra ala ƀuôn, dhar kreh hŏng bruă răng mgang klei êđăp ênang, bruă hŏng tač êngao, boh nik jing răng mgang êlan knông lăn êđăp ênang, bi hgŭm, bi mguôp, mđĭ kyar hŏng ala čar mah jiăng Campuchia, kriê dlăng klei hdĭp mnuih ƀuôn sang, boh nik jing mnuih djuê ƀiă ti alŭ wăl, ngă jăk bruă bi hơĭt klei hdĭp yang ƀuôn, kriê dlăng phung mâo bruă tŭ dưn.