Blŭ pŏk klei bi kƀĭn, Khua bruă kƀĭn ala Trần Thanh Mẫn bi klă klei ngă bruă mơ̆ng Êpul gơ̆ng bruă ƀuôn sang ƀuôn prŏng Hải Phòng mơ̆ng akŏ wưng păn bruă truh kơ ară anei ƀrư̆ hruê ƀrư̆ klă klơ̆ng, thơ̆ng kơ bruă, tŭ dưn, mâo mă lu klei êdah hĭn.

Hlăm wưng kơ anăp, Khua bruă kƀĭn ala Trần Thanh Mẫn mñă kơ bruă Đảng nah gŭ, bruă sang čư êa, mặt trận čar kwar, êpul êya lŏ dơ̆ng hluê ngă tŭ dưn hdră mtrŭn klei bi kƀĭn kluôm Bruă đảng gưl tal 13, hdră mtrŭn mrô 16 mơ̆ng Êpul khua bruă Đảng ƀuôn prŏng, hdră mtrŭn klei kƀĭn tal 7 mơ̆ng Bruă Kƀĭn Ala gưl 15, lač klă dŭm klei čuăn, bruă klam hlăm klei mđĭ kyar bruă duh mkra ala ƀuôn, răng mgang klei êđăp ênang. Hải Phòng čiăng bi klă kơhưm, klei găl čiăng mtrŭt mđĭ dŭm hnơ̆ng čuăn bruă duh mkra ala ƀuôn thŭn 2024. Đru mbĭt hŏng lăn čar mâo klei đĭ kyar leh anăn bi leh dŭm mta kñăm, bruă klam mơ̆ng hdră mtrŭn Bruă Kƀĭn Ala hlăm thŭn 2024.