Tui si Phŭn bruă lŏ hma lehanăn wăl hdĭp mda ksiêm yap, truh kơ ară anei mâo leh 18 boh čar, ƀuôn prŏng hmăi kjham mơ̆ng klei angĭn êbŭ mrô 10 ngă. Mâo ƀiă êdi 34 čô mnuih djiê, lehanăn 20 čô mnuih luič, mbĭt anăn mâo 40 čô mnuih êka. Mâo 153 boh sang klưh rai jih ƀhut, êbeh 154000 jhat mčah kpŏk čuôr. Luič liê bruă pla mjing giăm 49.000 ha mdiê lehanăn êtak êbai êngăp êa; 1.524 drei ŭn êmô, 381000 mnŭ ada djiê, êa mđung.

Bi đru kơ klei dleh dlan mnuih ƀuôn sang găn, snăn brei mâo ai tiê thâo khăp, hla hrông đŭng hruôm hla tĭ, Dhả rbruă gĭt gai bruă kƀĭn ala mkŏ mjing leh knăm bi mkrum đru kơ mnuih ƀuôn sang găn klei luič liê. Mơ̆ng anăn, phung bi ala bruă kƀĭn ala mă bruă truăn; jing knuă druh, mnuih mă bruă hlăm adŭ bruă kƀĭn ala, Êpul gơ̆ng bruă djuê ana lehanăn dŭm êpul bruă hlăm bruă kƀĭn ala mâo bi mkrum leh truh 600 êklăk prăk./.