Khua bruă kƀĭn ala Trần Thanh Mẫn čih yap, bi mni kơ klei gĭr ktưn, dŭm boh tŭ êdah êdi mâo leh mơ̆ng Êpul hgŭm dŭm êpul kreh knhâo leh anăn hdră mnêč Việt Nam. Êpul kreh knhâo leh anăn kdrăp mrâo.

Boh nik, bi mni kơ 135 čô kreh knhâo leh anăn kdrăp mrâo êdah êdi. Hlue si Khua bruă kƀĭn ala, êpul kreh knhâo brei mâo klei thâo săng mrâo, klei mĭn mguôp hŏng hdră msir klă sĭt, tŭ dưn ba kreh knhâo leh anăn kdrăp mrâo jing boh kdrŭt mđĭ kyar lăn čar. Đảng, Knŭk kna mđing dlăng leh anăn mâo klei đăo knang hlăm êpul thâo hră mơar ala čar; mkŏ mjing êpul kjăp ktang kluôm leh anăn kjăp jing bruă klam mơ̆ng Đảng, Knŭk kna, jih bruă kđi čar leh anăn ala ƀuôn.