Khua bruă kƀĭn ala Trần Thanh Mẫn mđup brei leh anăn knăl 40 thŭn đảng kơ k’iăng khua bruă kƀĭn ala Nguyễn Đức Hải; Khua bruă Đảng hlăm adŭ bruă kƀĭn ala Bùi Văn Cường, mđup brei anăn knăl 30 thŭn Đảng kơ Đặng Vũ Hải, K’iăng khua anôk bruă djuê ana. Blŭ hơêč hmưi kơ đảng viên ti knăm anei, khua bruă kƀĭn ala Trần Thanh Mẫn lač, anăn knăl yuôm bhăn 40 thŭn lehanăn 30 thŭn Đảng jing klei čih pioh yuôm bhăn mơ̆ng Đảng kơ klei duh myơr đru mguôp leh mơ̆ng dua čô hŏng bruă cách mạng mơ̆ng Đảng.

Khua bruă kƀĭn ala Trần Thanh Mẫn čang hmăng, phung đảng viên mâo mă anăn knăl mơ̆ng Đảng, lŏ dơ̆ng mâo bruă ngă tŭ jing hĭn hlăm anôk bruă kƀĭn ala, Dhar bruă gĭt gai bruă kƀĭn ala, Êpul gơ̆ng bruă djuê ana, dŭm anôk bruă hlăm bruă kƀĭn ala ngă jăk jih jang bruă mkŏ mjing hdră bhiăn, lehanăn bi klă klei yuôm bhăn kơ lăn čar, đru mkŏ mjing sa lăn čar yang ƀuôn ngă phŭn êngiê, kyua mnuih ƀuôn sang, kơ mnuih ƀuôn sang./.