Hlăm mmông drông, Khua bruă kƀĭn ala Trần Thanh Mẫn bi mklă Đảng, Knŭk kna leh anăn mnuih ƀuôn sang Việt Nam dlăng myuôm leh anăn čang hmăng hŏng Knŭk kna leh anăn mnuih ƀuôn sang Dhŭng Korea lŏ dơ̆ng mđĭ kyar êlam, klă sĭt leh anăn tŭ dưn hĭn klei bi hgŭm Kluôm hŏng Dhŭng Korea.

Ară anei Dhŭng Korea jing ƀĭng hgŭm mnia blei prŏng tal 3 mmơ̆ng Việt Nam (êdei kơ China leh anăn Mi). Thŭn 2023, prăk hrui wĭt bruă mnia blei dua nah mâo 76 êklai USD, 6 mlan akŏ thŭn mâo giăm 40 êklai USD. Hdră kñăm dua ala čar mđĭ prăk hrui wĭt mnia blei dua nah truh 100 êklai USD hlăm thŭn 2025 leh anăn mđing kơ hdră kñăm 150 êklai USD hlăm thŭn 2030 hlue hdră bi kna, hơĭt kjăp. Khua bruă kƀĭn ala Trần Thanh Mẫn mtă hlăm wưng kơ anăp, dua tĭng mđĭ klei mjĕ êrô, bi trông êpul gưl dlông leh anăn dŭm gưl, dŭm êpul bi hgŭm Việt Nam - Dhŭng Korea, Dhŭng Korea- Việt Nam, êpul bruă kƀĭn ala mda asei… hlăm dŭm bruă mkŏ mjing čih mkra hdră bhiăn ăt msĕ mơh bruă ktuê dlăng.