VOV4.Êđê-  Tlam mbruê 28/9, Khua bruă kƀĭn ala Vương Đình Huệ tŭ drông Đại tướng Singsuk Singpai, k’iăng khua kiă kriê tal 1 Thượng viện Thailand ba anăp êpul ngă bruă dôk hruê čuă leh anăn mă bruă kơ bruă gang mkhư̆ leh anăn ksiêm dlăng klei ƀơ̆ng ngăn ti Việt Nam. Bi trông kơ bruă anăn, Khua bruă kƀĭn ala Vương Đình Huệ mñă klă, anei jing bruă klam kñăm mơ̆ng Đảng, knŭk kna Việt Nam. Khua bruă kƀĭn ala lač, bruă kƀĭn ala Việt Nam mâo leh lu klei đru mguôp hlăm bruă gang mkhư̆ klei ƀơ̆ng ngăn, mbĭt anăn lŏ mñă klă, anei jing mta bruă mơ̆ng bruă kƀĭn ala 2 ala čar dưi bi mguôp hlăm wưng kơ anăp.

 Singsuk Singpai hmăng hmưi, klei mjĕ giăm plah wah 2 ala čar, mnuih ƀuôn sang 2 ala čar ƀrư̆ hruê ƀrư̆ đĭ kyar kjăp hĭn, 2 êpul phung khua êmua lŏ dơ̆ng mđĭ hĭn dŭm gưl nao čuă, bi trômg, kah mbha klei thâo ngă bruă.

Pô mblang: Y-Ƀel Êban