VOV4.Êđê - Hlue si asăp jak iêo mơ̆ng khua bruă kƀĭn ala Vương Đình Huệ, Khua bruă kƀĭn ala Mozambič djă akŏ êpul khua prŏng bruă kƀĭn ala Mozambič hriê čhưn kơ Việt Nam mơ̆ng 18 – 23/6. Knăm drông khua bruă kƀĭn ala Mozambič mâo mkŏ mjing leh kdrăm k’ah ti sang bruă kƀĭn ala aguah hrue mbrue (20/6) mâo Khua bruă kƀĭn ala Vương Đình Huệ kiă kriê.

Leh knăm drông hlŏng mâo mtam klei bi trông plah wah êpul bi ala gưl dlông bruă kƀĭn ala dua ala čar. Tianăn, Khua bruă kƀĭn ala Việt Nam dlăng yuôm klei bi mguôp, kñăm lŏ mtrŭt mđĭ hĭng hlăm bruă kđi čar, lehanăn klei hgŭm bruă duh mkra ti Afrĭk hlăm wưng ară anei. Dua khua bruă kƀĭn ala đăo knang kơ klei kuôl kă hgŭm bruă ala čar srăng dưi hyuă kjăp hĭn mâo klei đĭ kyar hĭn, srăng mjing knơ̆ng yuôm bhăn pioh kơ bruă kƀĭn ala dua ala čar amâo mâo mdei dưi bi kjăp, lehanăn mtrŭt hĭn klei hgŭm hlăm wưng kơ anăp./.

Y-Khem pô mblang