Khua bruă kƀĭn ala Vương Đình Huệ mñă, klei hriê čhưn anei jing yuôm bhăn êjai dua ala čar mkŏ mjing klei bi hdơr 10 thŭn klei bi mguôp kluôm dhuôm (2013-2023); knang sĭt klei tŭ jing mơ̆ng gưl hriê čhưn anei, dua ala čar srăng truh bi hgŭm prŏng hĭn hlăm knhuang mrâo, anăp truh kơ klei bi hdơr 70 thŭn, dua ala čar mkŏ mjing klei mjĕ mgiăm hgŭm mbĭt ti thŭn 2025.

  Ti anôk bi blŭ hrăm dua čô khua kiă kriê lŏ dơ̆ng mđĭ hĭn klei bi trông gưl dlông, ktưn mjing klei bhiăn kjăp hlăm bruă bi hgŭm, mâo klei bi mnia mblei hyuă kjăp, hĭn pral mâo truh 15 klei USD, dua nah mjing djăp klei găl kơ jih jang mnơ̆ng dhơ̆ng mơ̆ng dua ala čar mâo bi čhĭ mnia kơ hdơ̆ng găp bi đru hlăm bruă mkŏ mjing klei bhiăn bruă tuh tia, bruă pui kmlă, lehanăn thâo dưn yua jăk pui kmlă bi êran hŏng pil yang hrue, lehanăn ai angĭn. Khua bruă kƀĭn ala Vương Đình Huệ čang hmăng dua ala čar lŏ dơ̆ng bi hgŭm kjăp hĭn hlăm knŭk kna, lehanăn hlăm bruă kƀĭn ala, mâo bruă klam hlăm ASEAN, mđĭ hĭn bruă klam pô ti IPA lehanăn klei krơ̆ng bruă răng mgang klei êđăp ti alŭ wăl./.