Anei jing khua gĭt gai tal êlâo mơ̆ng China mâo bi tuôm hŏng khua bruă kƀĭn ala Vương Đình Huệ ti anôk bi tuôm hlăm klei nao čhưn ti ala čar China. Bruă Khua gĭt gai China Tập Cận Bình dăp mmông hŏng khua bruă kƀĭn ala Vương Đình Huệ tal êlâo mtam leh êpul truh kơ Bắc Kinh bi knăl anei jing klei yuôm bhăn hlăm klei bi mguôp dua ala čar, lehanăn klei nao čhưn mơ̆ng gưl dlông Đảng lehanăn knŭk kna Việt Nam.

Dua čô khua kiă kriê bi êdah klei mơak ƀuh klei bi mguôp dua nah Việt Nam – China mâo klei đĭ kyar, mñă srăng lŏ hyuă kjăp hĭn klei bi mguôp mnuih ƀuôn sang, mđĭ bruă klam mơ̆ng phung bi ala bruă kƀĭn ala, hlăm klei bi mguôp dua ala čar. Bi mni kơ klei hgŭm mơ̆ng Việt Nam, Khua gĭt gai China Tập Cận Bình lač, ala čar China srăng mđrăm mbĭt hŏng păn kjăp hdră êlan mrâo, mđĭ hĭn klei bi tuôm phung khua kiă kriê gưl dlông, ti gưl Đảng, bi đru hlăm hdră êlan kiă kriê, klei hlak mblang, lehanăn kơ bruă mkŏ mjing Đảng lehanăn kiă kriê lăn čar, mă bruă hŏng klei klă mngač hĭn, bi mni kơ Việt Nam nao leh hlăm klei bi hgŭm hlăm hdră êlan prŏng hŏng China./.