Aguah hruê 1/12, Khua bruă kƀĭn ala Vương Đình Huệ gĭt gai leh knăm drông, leh knăm drông, dua Khua anôk bruă kƀĭn ala hluê ngă leh hdră bi trông. Dua Khua anôk bruă kƀĭn ala mñă srăng mtrŭt mđĭ hĭn klei bi hgŭm plah wah dua ala čar hlăm wưng ti anăp.

Dua tĭng tŭ ư brei lŏ bi kjăp lehanăn mđĭ klei bi mguôp, đăo knang hlăm bruă kđi čar, bi hgŭm hluê ngă jăk dŭm Klei hưn mthâo mbĭt, dŭm Klei kuôl kă hgŭm bruă, boh nik klei Klah čŭn Knămbi tuôm plah wah phung khua gưl dlông mơ̆ng dua Đảng hlăm thŭn 2023; Klah čŭn anôk bi tuôm mơ̆ng tlâo čô khua kiă kriê 3 Đảng Việt Nam – Campuchia – Lào. Việt Nam – Campuchia, mtrŭt mđĭ hdră bi hgŭm hlăm bruă lĭng kahan, răng mgang klei êđăp ênang, dlăng anei jing sa bruă phŭn hlăm klei bi mjĕ dua ala čar, jing anôk jưh knang kjăp kơ hdơ̆ng găp kñăm rơ̆ng klei êđăp ênang ala čar, bi kdơ̆ng tŭ dưn hŏng dŭm klei lông dlăng hlăm bruă răng mgang klei êđăp ênang; mđĭ klei bi hgŭm hlăm êlan mạng, lŏ dơ̆ng bi hgŭm kjăp hlăm bruă răng mgang êlan knông lăn êđăp ênang, h’ĭt kjăp lehanăn đĭ kyar./.