Dua tĭng bi tŭ ư mđĭ pŏk ngă boh tŭ “Klei hưn mdah mbĭt kơ bruă lŏ dơ̆ng bi êlam hĭn leh anăn mđĭ hnơ̆ng klei bi hgŭm kluôm, mkŏ mjing êpul êya bi kah mbha êdei asăp Việt Nam- China jing yuôm bhăn”, mđĭ lar bruă klam bruă kƀĭn ala leh anăn  bruă yang ƀuôn hlăm klei mđĭ bruă bi hgŭm plah wah dua tĭng. Khua bruă kƀĭn ala Vương Đình Huệ mtă kơ dua tĭng mđĭ ktang bruă mkŏ klei mđĭ kyar, mđĭ hĭn hnơ̆ng jăk, boh tŭ bi hgŭm hlăm dŭm mta bruă.

Khua bruă kƀĭn ala Vương Đình Huệ čang hmăng dua tĭng mđĭ klei bi trông, Khua bruă kƀĭn ala Vương Đình Huệ leh anăn Khua Dhar bruă kƀĭn ala China Triệu Lạc Tế bi siñê klei kuôl kă bi hgŭm plah wah Bruă kƀĭn ala Việt nam leh anăn Klei bi kƀĭn phung bi ala kơ mnuih ƀuôn sang kluôm ala ala čar China.

 Hlăm hruê mbruê, Khua bruă kƀĭn ala Vương Đình Huệ lŏ dơ̆ng gĭt gai dŭm êpul grup mrô sa hlăm bruă êlan klông, êlan êdeh treng, êa pui êwa čuh mơ̆ng China; nao čhưn ti Anôk bruă ksiêm hriăm leh anăn mđĭ kyar mơ̆ng Êpul grup Huawei./.