Blŭ hlăm mmông bi tuôm, Khua bruă kƀĭn ala Vương Đình Huệ hơêč hmưi leh anăn pah mni phung bi ala bruă kƀĭn ala, dŭm anôk bruă mơ̆ng bruă kƀĭn ala, dŭm anôk bruă mơ̆ng Dhar bruă kƀĭn ala, phung knuă druh, phung mă bruă mơ̆ng adŭ bruă Kƀĭn ala mâo leh klei gĭr, jih ai mă bruă knuă hŏng klei mbruă, mkŏ mjing dŭm klei tŭ jing kdlưn hĭn hlăm thŭn 2023.

Mñă ktang, thŭn 2024 jing thŭn mdê hĭn, jing thŭn dŭm dhar bruă, gưl bruă, dŭm anôk bruă, alŭ wăl srăng bi hmar truh hnơ̆ng klei čuăn bruă duh mkra ala ƀuôn mơ̆ng wưng păn bruă, Khua bruă kƀĭn ala lač, bruă Kƀĭn ala dưi ktưn hưn kơ dŭm boh tŭ dưn dưi mâo hlăm thŭn 2023, ƀiădah kăn dưi ngơi mang. Mĭn tĭng, bruă knuă thŭn anei jing lu êdi, êngao kơ dŭm mta bruă jêñ jêñ hlăm bruă čih mkra hdră bhiăn, ktuê dlăng gưl dlông, bi klă dŭm boh klei yuôm bhăn mơ̆ng lăn čar leh anăn dŭm bruă mkăn, Adŭ bruă kƀĭn ala lŏ hur har čiăng mđing truh klei bi hdơr 80 thŭn hruê Ruah khua bruă kƀĭn ala tal êlâo.