Hlăm mmông bi tuôm, Khua bruă kƀĭn ala Vương Đình Huệ mñă klă Việt Nam dlăng yuôm bhăn leh anăn hmăng hmưi mđĭ hĭn klei đăo knang leh anăn bi êlam hĭn klei mjĕ giăm Ƀĭng hgŭm hdră êlan kluôm dhuôm 2 lăn čar, hrăm mbĭt mđing truh kơ bruă mđĭ hnơ̆ng klei mjĕ giăm hlăm wưng kơ anăp. Dua čô khua gĭt bi tŭ ư mđĭ hĭn klei bi trông êpul gưl dlông leh anăn dŭm gưl, hluê ngă tŭ dưn dŭm hdră bi mguôp plah wah dua ala čar.

Bi trông kơ dŭm mta phŭn bi mguôp bruă kƀĭn ala. Dua čô khua gĭt gai bi tŭ ư mđĭ hĭn klei bi mguôp plah wah dŭm anôk bruă hdră bhiăn dua lăn čar, kah mbha klei hưn, klei hriăm, bi lar bruă klam mơ̆ng Êpul khua êmua bi hgŭm dua lăn čar, bi mguôp, sa ai hdơ̆ng pô hlăm dŭm klei kƀĭn lu tĭng, rơ̆ng kơ klei bi mguôp leh anăn bruă klam mơ̆ng ASEAN, boh nik hlăm dŭm boh klei hlăm alŭ wăl msĕ si Ksĭ Ngŏ, Myanmar.