VOV4.Êđê - Hlăm klei nao čuă klă klơ̆ng ala čar Lào, aguah mbruê 16/5, ti ƀuôn prŏng phŭn Vieentine, Khua bruă kƀĭn ala Vương Đình Huệ bi tuôm leh hŏng khua gĭt gai Đảng, Khua lăn čar Lào Thongloun Sisoulith.

Khua bruă kƀĭn ala Vương Đình Huệ đăo knang mnuih ƀuôn sang ayŏng adei Lào srăng dưi găn hgao djăp klei lông dlăng, hluê ngă tŭ jing hdră mtrŭn hlăm klei kƀĭn bruă Đảng kluôm ala gưl 11 leh anăn hdră êlan mđĭ kyar bruă duh mkra – ala ƀuôn 5 thŭn gưl tal 9, hluê ngă tŭ jing dŭm hdră êlan pŏk ƀăng, krŭ wĭt, bi hơĭt bruă duh mkra, mkŏ mjing bruă mă, lŏ dơ̆ng mkŏ mjing ala čar Lào êđăp ênang, êngiê, mdrŏng sah hluê êlan yang ƀuôn ngă phŭn. 2 čô khua gĭt gai mñă ktang hlăm hruê mmông kơ anăp, čiăng lŏ bi lar ktang hĭn knhuah gru klei bi mguôp, đăo knang, hrăm mbĭt hluê ngă jăk dŭm klei kuôl kă gưl dlông, gĭr ktưn mtrŭt mđĭ mâo boh tŭ dưn hĭn hlăm klei bi mguôp 2 tĭng hlăm djăp mta bruă, kyua klei jăk kơ mnuih ƀuôn sang 2 ala čar.

Y-Bel pô mblang