VOV4.Êđê- Lŏ dơ̆ng hdră mă bruă hlăm gưl hiu čhưn kơ Angle, tlam hruê 29/6, hluê mmông alŭ wăl, ti London, Khua bruă kƀĭn ala Vương Đình Huệ bi tuôm hŏng Khua kiă kriê anôk bruă ngăn prăk London Peter Estlin. Ti knăm anei, Khua bruă kƀĭn ala mñă, bruă klam mơ̆ng Anôk bruă ngăn prăk London jing sa hlăm pă anôk bruă ngăn prăk prŏng tar rŏng lăn, lu êpul bruă ngăn prăk Angle msĕ si Prudential, HSBC, Standard Chartered… ngă bruă tŭ dưn ti Việt Nam hlăm dŭm thŭn êgao. Khua bruă kƀĭn ala akâo kơ ala čar ƀĭng găp đru kơ Việt Nam bi leh bruă čih mkra hdră bhiăn hlăm bruă ngăn prăk, knơ̆ng prăk, hdră bi mklă puăng kơ dŭm anôk bruă duh mkra. Dua tĭng ăt bi êdah klei čang hmăng, hlăm wưng ti anăp, dŭm klei bi mjĕ ƀĭng hgŭm dŭm gưl, bruă čih mkra klei bhiăn, hdră bhiăn, hdră brei čan prăk, bruă mtrŭt mđĭ klei bi mjĕ bruă mnia mblei plah wah Angle lehanăn Việt Nam srăng đĭ kyar jăk siam./.

                                                    Pô mblang: H’Nêč Êñuôl