VOV4.Êđê- Tlam 29/9, ti sang bruă kƀĭn ala, Khua bruă kƀĭn ala Vương Đình Huệ bi tuom hŏng Khua knŭk kna Cu-ba Manuel Marrero Cruz dôk hriê čhưn klă sĭt ti Việt nam mơ̆ng hruê 28/9-2/10.  Hlăm klei bi tuôm, Khua bruă kƀĭn ala Vương Đình Huệ bi mklă Bruă kƀĭn ala leh anăn mnuih ƀuôn sang Việt Nam bi đru nanao kơ bruă krŭ kdơ̆ng mơ̆ng yang ƀuôn Cuba ayŏng adei; dlăng myuôm, kriê pioh leh anăn đru mđĭ kyar hĭn klei bi hgŭm, bi mjĕ leh anăn bi hgŭm yuôm bhăn Việt Nam - Cu-ba.

 Khua bruă kƀĭn ala bi mklă, Bruă kƀĭn ala Việt Nam srăng lŏ dơ̆ng bi hgŭm tliêr kjăp hŏng bruă kƀĭn ala Cuba kñăm bi trông klei thâo kơ bruă cih mkra hdră bhiăn, ktuê dlăng, mbĭt anăn bi hgŭm tliêr kjăp hlăm dŭm klei bi kƀĭn bruă kƀĭn ala lu ala čar leh anăn krĭng wăl. Khua knŭk kna Cuba bi mklă, Cuba bi mni kơ klei bi hgŭm yuôm bhăn plah wah dua ala čar mâo Khua gĭt gai Hồ Chí Minh leh anăn Khua gĭt gai Phiđen mdưm tur knơ̆ng, mâo lu gưl ênuk khua gĭt gai leh anăn mnuih ƀuôn sang dua ala cacrr mđĭ kyar./.

Pô mblang: H’Zawut Ƀuôn Yă