Hlăm mmông bi tuôm, Khua bruă kƀĭn ala Vương Đình Huệ mơĭt kơ Khua knŭk kna Manuel Marrero Cruz klei blŭ jăk siam leh anăn klei khăp čiăng hĭn mơ̆ng bruă Kƀĭn ala leh anăn mnuih ƀuôn sang Việt Nam, mbĭt anăn mñă klă, Đảng, knŭk kna, Bruă kƀĭn ala leh anăn mnuih ƀuôn sang Việt Nam hrăm mbĭt sa ai nanao hŏng bruă krŭ kdơ̆ng sĭt nik mơ̆ng mnuih ƀuôn sang Cuba.

Khua bruă kƀĭn ala hưn hŏng Khua knŭk kna Cuba kơ hdră mlih mrâo leh anăn dŭm mta bruă ngă mơ̆ng bruă kƀĭn ala mrâo anei, đru mguôp hlăm klei đĭ kyar bruă duh mkra ala ƀuôn, ñŭ kma hŏng tar rŏng lăn mơ̆ng Việt Nam. Hưn kơ klei đĭ kyar hlăm klei mjĕ giăm plah wah Bruă kƀĭn ala 2 ala čar. Hlăm wưng kơ anăp, Khua bruă kƀĭn ala Vương Đình Huệ mnă klă Bruă kƀĭn ala Việt Nam srăng lŏ dơ̆ng bi mguôp kjăp hŏng bruă Kƀĭn ala Cuba kñăm mkŏ mjing klei găl kơ dŭm knơ̆ng bruă 2 ala čar mđŏ hĭn klei bi mguôp bruă duh mkra, mnia mblei, duh bi liê đĭ kyar năng hŏng klei mjĕ giăm bruă kđi čar jăk siam plah wah 2 ala čar, djŏ hŏng ai tiê gĭt gai leh anăn klei hmăng hmưi mơ̆ng khua gĭt gai gưl dlông plah wah 2 ala čar.