Bi ala kơ bruă kƀĭn ala Việt Nam, Khua bruă kƀĭn ala Vương Đình Huệ hơêč hmưi kơ Campuchia mkŏ mjing tŭ jing klei ruah Khua bruă kƀĭn ala gưl tal 7, hơêč hmưi kơ Samdech Hun Manet mâo leh bruă kƀĭn ala Campuchia đăo knang păn ngă knŭk kna ala mtao. Khua bruă kƀĭn ala Vương Đình Huệ đăo knang, Campuchia srăng mâo lu boh tŭ dưn hĭn, đru mđĭ kơhưm mơ̆ng Campuchia ti alŭ wăl leh anăn tar rŏng lăn.

Hlăm kle

i bi tuôm, Dua čô khua gĭt gai bi myuôm boh tŭ klei bi mguôp bruă duh mkra, mnia mblei plah wah 2 lăn čar. Thŭn 2022, hnơ̆ng mnia mblei dua tĭng gưl tal êlâo êgao hnơ̆ng 10 êklai dolar Mi. Anăp anei, dua tĭng čiăng kñăm kơ klei bi mguôp, bi đru hdơ̆ng pô mkŏ mjing bruă duh mkra êngiê, čŏng pô, ñŭ kma hŏng tar rŏng lăn, mđĭ hĭn bruă mkŏ anôk bruă duh mkra, wăt klei mkŏ khăng leh anăn êjin, boh nik dua tĭng čiăng mkŏ hlăm bruă mkŏ mkra êlan klông, hlăm anăn mâo êlan dơ̆ng pral, mđĭ thiăm ênoh gưl gưl phiơr kpă plah wah 2 ala čar.