Dua čô khua gĭt gai bi êdah klei hơ̆k mơak leh anăn yap yuôm bhăn dŭm boh tŭ dưn hlăm klei mjĕ giăm bi mguôp Việt Nam – Lào leh anăn klei bi mguôp plah wah dua Anôk bruă kƀĭn ala dua lăn čar, mñă ktang klei yuôm bhăn mơ̆ng bruă trŭt mđĭ klei bi mguôp duh bi liê mnia mblei, mđĭ hĭn klei mkŏ 2 anôk bruă duh mkra, êlan klông, mtrŭt mđĭ bruă mtô mjuăt bi hriăm, dhar kreh leh anăn mjĕ mjuk mnuih ƀuôn sang, mbĭt anăn tŭ ư lŏ dơ̆ng uêñ mĭn, mgaih msir klei dleh dlan, kpăk gun kơ dŭm knơ̆ng bruă leh anăn dŭm hdră bi mguôp yuôm bhăn plah wah 2 lăn čar.

Dua tĭng bi tŭ ư mtrŭt mđĭ dŭm gưl nao čuă, bi tuom plah wah khua gĭt gai Bruă kƀĭn ala leh anăn plah wah dŭm Dhar bruă mơ̆ng Bruă kƀĭ ala dua lăn čar, lŏ dơ̆ng mđĭ hĭn klei bi mguôp, kah mbha klei hriăm plah wah dua anôk bruă hdră bhiăn.