Khua bruă kƀĭn ala Vương Đình Huệ brei thâo, Bruă kƀĭn ala Việt Nam leh anăn Khua bruă kƀĭn ala bi mni kơ klei bi hgŭm plah wah dua ala čar, wăt bruă Knŭk kna leh anăn bruă kƀĭn ala. Dua tĭng bi siñê leh lu hră mơar bi kuôl kă bi hgŭm, boh nik bruă mkŏ mjing jar bi hgŭn hdră bruă kơ ngăn prăk, bi mni kơ Luxembourg ngă leh, leh anăn lŏ dơ̆ng brei kơ Việt Nam klei nao ai - boh nik hlăm bruă bi hrŏ ƀun leh anăn mdrơ̆ng hŏng klei bi mlih yan adiê, Luxembourg jing sa hlăm dŭm ala čar hnưm bi mklă klei kuôl kă đru bi liê Việt Nam-Eu (EVIPA). Khua knŭk kna Luxembourg brei thâo, hruê 5-5, dua tĭng mkŏ mjing klei bi kƀĭn bruă duh mkra hŏng klei hgŭm mơ̆ng 25 anôk briă duh mkra Luxembourg.

Khua knŭk kna Luxembourg lač, Việt Nam amâo djŏ knŏng mđing mđĭ kyar bruă duh mkra ôh, ƀiădah lŏ mđing bi hrŏ êwa jhat mơ̆ng boh lăn. Ƀri gưl anei, Khua knŭk kna Luxembourg čang hmăng, Việt Nam hnưm lui visa hŏng mnuih ƀuôn sang Luxembourg čiăng mjing klei găl kơ bruă mđĭ bi hgŭm bruă duh mkra, mnia blei leh anăn mjĕ êrô mnuih ƀuôn sang. Hlăm klei bi tuôm, dua khua gĭt gai ăt bi tŭ ư kơ bruă brei mđĭ ktang hĭn hlăm bruă ngăn prăk, čang hmăng hrăm mbĭt đru kơ bruă duh mkra mtah, bruă ngăn prăk./.