VOV4.Êđê- Aguah mbruê 18/5, ti Sang bruă kƀĭn ala, Khua bruă kƀĭn ala Vương Đình Huệ bi tuôm leh hŏng Khua mil čhil Grek. Khua bruă kƀĭn ala Vương Đình Huệ hơ̆k mơak ƀuh klei bi mjĕ leh anăn bi hgŭm lu mta plah wah dua ala čar hlăm wưng êgao dưi đĭ kyar jăk siam, bi êdah hlăm bruă bi trông Êpul dŭm gưl, boh nik plah wah khua gưl dlông dua ala čar.

Klei bi hgŭm bruă duh mkra – mnia blei đĭ kyar jăk, boh nik yap mơ̆ng leh Klei kuôl kă EVFTA dưi pŏk ngă. Khua bruă kƀĭn ala mtă, dua ala čar lŏ dơ̆ng bi hgŭm hlăm dŭm mta bruă Grek mâo klei găl leh anăn Việt Nam mâo klei čiăng msĕ si bruă duh mkra hlăm êa ksĭ, mkra hô̆ pui, kdrŭn ksĭ hiu čhưn ênguê, mbĭt anăn hnưm bi tŭ ư, si ñê klei kuôl kă ñĕ kơ bruă ring jia 2 blư̆ leh anăn klei kuôl kă dŭ mdiămh hlăm êa ksĭ kñăm mjing klei găl bi trông bruă duh mkra, mnia blei dua tĭng./.

 Pô mblang: H’Zawut Ƀuôn Yă