Hlăm klei bi tuôm, Khua bruă kƀĭn ala Vương Đình Huệ mñă klă, Việt Nam dlăng yuôm bhăn klei bi mguôp, bi hgŭm hŏng Uruguay, mpŭ kơ klei bi mguôp leh anăn klei sa ai mơ̆ng mnuih ƀuôn sang Uruguay kơ mnuih ƀuôn sang Việt Nam hlăm wưng bi blah sua wĭt klei êngiê djuê ana leh anăn ala čar êlâo dih, ăt msĕ hŏng bruă mđĭ kyar ala čar ênuk anei.

Dua čô khua gĭt gai bi êdah klei hơ̆k mơak êjai klei mjĕ giăm Việt Nam – Uruguay lŏ dơ̆ng đĭ kyar jăk, dŭm klei bi mguôp dưi rơ̆ng tŭ dưn, 2 tĭng lŏ dơ̆ng bi mguôp kjăp hlăm dŭm klei kƀĭn tar rŏng lăn leh anăn êpul êya lu tĭng tar tŏng lăn, boh nik jing Êpul hgŭm lu ala čar, Êpul bruă mnia mblei tar rŏng lăn, Klei kƀĭn bi mguôp Ngŏ Asi – Mi latino, tŭ ư hrăm mbĭt răng mgang dŭm hdră bhiăn leh anăn boh tŭ dưn mơ̆ng hdră êlan lu tĭng hlăm wưng tar rŏng lăn mâo lu klei mlih dleh dưi ksiêm dlăng leh anăn boh jhat mơ̆ng klei ruă tưp Covid-19.