VOV4.Êđê- Mprăp kơ klei bi kƀĭn, hrue mbrue (29/9), Khua bruă kƀĭn ala Vương Đình Huệ lehanăn êpul bi ala bruă kƀĭn ala ƀuôn prŏng Hải Phòng bi tuôm leh hŏng phung bi ala ti kdriêk Thuỷ Nguyên, ƀuôn prŏng Hải Phòng êlâo kơ klei bi kƀĭn tal 4, Bruă kƀĭn ala gưl 15. Ti anôk bi tuôm, phung bi ala ti kdriêk Thuỷ Nguyên bi êdah klei đăo knang, mơak ti anăp dŭm boh tŭ dưn mâo mđĭ kyar lăn čar, đăo knang kơ klei Đảng, Bruă kƀĭn ala, lehanăn knŭk kna kiă kriê, êjai găn klei ruă tưp covid 19.

Bruă kƀĭn ala mâo leh dŭm hdră êlan pral, djŏ guôp ruh mgaih jih djăp mta klei dleh dlan phung ƀuôn sang lehanăn phung duh mkra tuôm. Wĭt lač klei êmuh kơ bruă mdrao mgŭn, hlăm anăn akâo kơ bruă kƀĭn ala čoh čuăn kơ ênoh čhĭ êa drao, lehanăn bi mâo djăp êa drao mdrao mgŭn, Khua bruă kƀĭn ala Vương Đình Huệ lač, wưng leh êgao, mâo lu mta mta klei truh kơ boh klei snăn. Bruă kƀĭn ala, knŭk kna hlăk kiă kriê bi mâo djăp êa drao yua hŏng hnơ̆ng kjăp./.

Pô mblang: Y-Khem Niê