Blŭ hrăm hlăm knăm mđup brei, Khua bruă kƀĭn ala Vương Đình Huệ mñă klă, sa hlăm dŭm phŭn mđĭ ai prŏng prĭn, đru mguôp mđĭ kơhưm, ai ktang mơ̆ng Bruă kƀĭn ala leh anăn Êpul gơ̆ng bruă ƀuôn sang lu thŭn êgao jing klei đru mguôp kluôm, kjăp, mbruă mơ̆ng bruă klei mrâo ala čar. Klei mrâo ala čar ƀrư̆ hruê bi êdah klei năng djŏ jing pô hiu hưn êpul lu, phung mđĭ ai êpul lu, phung mkŏ mjing êpul lu, mbĭt anăn jing hdră lač kluôm kơ klei thâo leh anăn bruă klam hŏng lăn čar.

Anei jing gưl tal êlâo klei pah mni dưi mkŏ mjing, mâo leh 171 anôk bruă klei mrâo hlăm leh anăn ala tač êngao, 7 adŭ bruă êpul bi ala bruă kƀĭn ala leh anăn Êpul gơ̆ng bruă ƀuôn sang, hŏng 3.328 klei mrâo bi lông. Dŭm klei bi lông dưi čih mkra hŏng lu akŏ, boh phŭn, hnơ̆ng, hdră leh anăn bi mrâo mrang hdră bruă klei mrâo./.