VOV4.Êđê- Tŭ ư klei iêo jak mơ̆ng Khua bruă kƀĭn ala Vương Đình Huệ, khua bruă kƀĭn ala Singapore Tan Chuan-Jin leh anăn mô̆ gơ̆ ba anăp êpul bi ala bruă kƀĭn ala Singapore klă klơ̆ng hriê čuă ala čar Việt Nam mơ̆ng hruê 18-20/5/2022. Tlam mbruê, knăm tŭ drông khua bruă kƀĭn ala Tan Chuan-Jin leh anăn mô̆ gơ̆ dưi mkŏ mjing krưh k’ăm ti sang bruă kƀĭn ala hŏng klei gĭt gai mơ̆ng Khua bruă kƀĭn ala Vương Đình Huệ leh anăn mô̆ ñu. Leh knăm tŭ drông, mkŏ mjing leh klei blŭ hrăm plah wah êpul bi ala bruă kƀĭn ala 2 ala čar.

Hlăm klei blŭ hrăm, 2 čô khua gĭt gai lŏ dơ̆ng sa ai hŏng klei mĭn mbĭt mơ̆ng ASEAN kơ klei êđăp ênang, hơĭt kjăp, rơ̆ng klei êđăp ênang, klei êngiê ti krĭng ksĭ Ngŏ, mgaih msir klei amâo thâo bi djŏ hŏng dŭm hdră êlan êđăp ênang hluê si klei bhiăn tar rŏng lăn, hlăm anăn mâo UNCLOS 1982, lač jăk kơ Singapore sa ai hŏng Việt Nam mgơ̆ng ruah dhar bruă klei bhiăn leh anăn klei ngă bruă hlăm anôk bruă klei dưi tur êa ksĭ wưng thŭn 2023 -2027.

 Pô mblang: Y-Ƀel Êban