VOV4.Êđê - Tlam mmăt hruê 7/9, ti Sang bruă kƀĭn ala, Khua bruă kƀĭn ala Vương Đình Huệ drông leh Êpul bruă ksiêm tĭng Knŭk kna Lao mâo Viengthavisone Thephachanh, Khua Êpul bruă ksiêm tĭng Knŭk kna Lao djă akŏ hriê čhưn, mă bruă ti ala čar drei.

Ti knăm anei, Khua bruă kƀĭn ala bi mni phung khua anôk bruă ksiêm rĭng dua ala čar mâo leh klei blŭ hrăm tŭ jing, brei thâo mbĭt hŏng klei bi mjĕ jăk siam Việt Nam – Lao snăn anôk bruă ksiêm tĭng dua ala čar ăt mâo hdră bi đru hdơ̆ng găp.

Khua bruă kƀĭn ala čang hmăng dua anôk bruă kƀĭn ala srăng bi trông klei thâo kơ hdră mkŏ mjing, hdră mă bruă mơ̆ng anôk bruă ksiêm tĭng dua ala čar, rơ̆ng klei thâo kơ bruă, mđĭ lar bruă klam mơ̆ng anôk bruă ksiêm tĭng bruă ngăn prăk, ngăn drăp knŭk kna mâo k’hưm lehanăn klei đua klam anăp Đảng, mnuih ƀuôn sang./.

H’Nêč pô mblang