Hlăm mmông drông, Khua bruă kƀĭn ala Vương Đình Huệ bi êdah klei čang hmăng, hŏng klei bi hgŭm kluôm mơ̆ng dua ala čar srăng mđĭ hĭn klei bi hgŭm bruă duh mkra, mnia blei, bi liê năng hŏng klei bi hgŭm dua ala čar, boh nik hlăm bruă mlih mrâo, bi mlih mtah, mdrơ̆ng hŏng klei bi mlih yan adiê.

Khua bruă kƀĭn ala brei thâo, kơ anăp, mĭn tĭng ti Hà Nội srăng mkŏ mjing knăm mphŭn ba yua Anôk bruă mlih mrâo mbruă ala čar, Khua bruă kƀĭn ala đăo knang, hŏng klei đru mơ̆ng SK, anei srăng jing boh kdrŭt yuôm bhăn kơ klei mphŭn čô̆ kơ bruă mơ̆ng Việt Nam, đru mguôp hlăm hdră bi mlih bruă duh mkra leh anăn mkŏ mjing lu anôk bruă mkăn hlăm êdei anăp ti Việt Nam. Bruă kƀĭn ala leh anăn Khua bruă kƀĭn ala Vương Đình Huệ nao ai, mjing klei găl kơ dŭm anôk bruă duh mkra, phung bi liê Dhŭng Korea boh nik Êpul grup SK lŏ dơ̆ng bi liê mnia blei sui ti Việt Nam./.