Khua bruă kƀĭn bi mklă, Việt Nam dlăng klei mđĭ, pŏk mlar bruă bi hgŭm hŏng Russia jing sa hlăm dŭm klei mđing mrô sa hlăm hdră bruă hŏng tač êngao. Việt nam bi hdơr klei đru prŏng prĭn, djŏ klă, sĭt suôr mơ̆ng Liên Xô, êdei anei jing Russia hlăm bruă bi kdơ̆ng mtlaih êngiê lăn čar êlâo dih ăt msĕ mơh hlăm bruă mkŏ mjing lăn čar ară anei. Bruă kƀĭn ala Việt Nam nao ai hŏng Sang phat kđi yang ƀuôn gưl dlông Việt Nam leh anăn Sang phat kđi Russia ăt msĕ mơh dŭm anôk bruă hdră bhiăn dua ala čar ƀrư̆ hruê ƀrư̆ bi hgŭm kjăp hĭn.

 Khua sang phat kđi Lebedev Vyacheslav Mikhailovich đăo knang, gưl nao čhưn tal anei srăng đru pŏk mlar klei bi hgŭm hŏng Sang phat kđi yang ƀuôn gưl dlông Việt Nam; bi trông dŭm gưl srăng lŏ dơ̆ng mâo dua ala čar mđĭ hlăm wưng kơ anăp; mbĭt anăn bruă mjĕ êrô yang ƀuôn ăt lŏ dơ̆ng đĭ kyar./.