VOV4.Êđê- Tlam 13/7, ti Sang bruă kƀĭn ala, Khua bruă kƀĭn ala Vương Đình Huệ drông K’iăng Khua bruă kƀĭn ala Lao Sommad Pholsena dôk ngă khua Êpul bi ala gưl dlông bruă kƀĭn ala Lao hriê mă bruă ti Việt Nam. Khua bruă kƀĭn ala Vương Đình Huệ brei thâo, gưl  K’iăng Khua bruă kƀĭn ala Lao hriê ti Việt Nam tal anei kñăm bi klă klơ̆ng klei kuôl kă bi hgŭm plah wah dua bruă Kƀĭn ala mrâo mâo dua Khua bruă kƀĭn ala dua ala čar bi siñê ti Lao. Anei ăt jing gưl čiăng kơ dua tĭng bi trông klei thâo ngă bruă mơ̆ng Bruă kƀĭn ala dua ala čar.

Khua bruă kƀĭn ala Vương Đình Huệ bi mklă, Việt Nam hŏng bruă kƀĭn ala Việt Nam dlăng klei mđĭ kyar bi hgŭm hŏng Lao jing mđing mrô sa. Khua bruă kƀĭn ala bi êdah klei đăo knang, ti gŭ klei Đảng gĭt gai, klei gĭt gai mơ̆ng Knŭk kna, klei mnuih ƀuôn sang hlăm ala čar leh anăn bĭng găp dlông rŏng lăn nao ai, klă sĭt Lao srăng hgao klei dleh dlan, đĭ kyar ktang hĭn./.

Pô mblang: H’Zawut Ƀuôn Yă