VOV4.Êđê - Tlam 26/4, ti Sang bruă kƀĭn ala, Khua bruă kƀĭn ala Vương Đình Huệ drông leh Pany Yathotou, Khua hlăm Phŭn bruă kđi čar Đảng yang ƀuôn krŭ kdơ̆ng Lao, K’iăng Khua lăn čar Lao hriê čhưn klă sĭt Việt Nam. Bi mni kơ klei tŭ bi trông plah wah dua K’iăng Khua lăn čar mkŏ mjing aguah hruê mbruê, Khua bruă kƀĭn ala Vương Đình Huệ mñă klă, Bruă kƀĭn ala Việt Nam srăng ksiêm dlăng leh anăn ruh mgaih klei gun kpăk kơ klei bhiăn kñăm mjing klei găl kơ bruă duh mkra dua tĭng bi hgŭm tŭ dưn hĭn, đru mđĭ pră hrui wĭt bruă mnia blei Việt Nam -Lao, ăt msĕ mơh ba klei bi hgŭm bruă duh mkra, mnia blei, duh bi liê dua ala čar mđĭ kyar, đru mguôp mđĭ klei hdĭp mda ala ƀuôn, Mbĭt hŏng anăn, Bruă kƀĭn ala Việt Nam nao ai hŏng bruă mđĭ ktang mtô bi hriăm phung sinh viên Lao ăt msĕ mơh bi trông kơ bruă plah wah knuă druh dŭm anôk bruă djŏ tuôm dua ala čar.

H’ Zawut pô mblang