VOV4.Êđê- Aguah mbrue (19/7), Khua bruă kƀĭn ala Vương Đình Huệ drông čhưn leh k’iăng khua lăn čar Lao Bounthong Chitmany, lehanăn êpul phung khua prŏng Đảng, knŭk kna Lao hlăk mâo gưl hriê čhưn kơ ala čar Việt Nam. Khua bruă kƀĭn ala mñă, mbĭt hŏng bruă dua ala čar hlue ngă kjăp klei gưl dlông dua ala čar bi tŭ ư leh.

Hlăm klei nao čhưn kơ Lao mlan 5 leh êgao, dua čô khua bruă kƀĭn ala dua ala čar mâo leh klei kuôl kă hgŭm bruă mđĭ hĭn klei bi mguôp bruă kƀĭn ala, bi ksul mbŭ mđĭ kyar klei bi mguôp dua Đảng, dua knŭk kna lehanăn phung ƀuôn sang dua ala čar. Ngă jăk klei bi tŭ ư leh kuôl kă, k’iăng khua bruă kƀĭn ala Lao Sommad Pholsena djă akŏ êpul bruă kƀĭn ala Lao hriê čhưn lehanăn mă bruă ti Việt Nam pioh bi trông, ksiêm duah djăp mta bruă kơ lăn čar, boh nik hlăm klei duh bi liê lehanăn knŭk kna kiă kriê kluôm./.

Pô mblang: Y-Khem Niê