Hlăm mmông bi tuôm, phung bi ala Việt Nam hlăm dŭm alŭ wăl hưn leh kơ boh sĭt klei ngă bruă mơ̆ng anôk bruă bi ala Việt Nam ti dŭm ala čar, klei mjĕ giăm plah wah Việt Nam hŏng dŭm lăn čar, mñă ktang dŭm boh tŭ dưn hlăm dŭm gưl nao čuă mơ̆ng Khua bruă kƀĭn ala Vương Đình Huệ truh kơ dŭm ala čar hlăm wưng êgao đru mtrŭt mđĭ klei mjĕ giăm Việt Nam hŏng dŭm lăn čar, bi êlam hĭn klei bi mguôp knhuah gru, mkŏ mjing tur knơ̆ng, pŏk êlan bi mguôp dŭm mta bruă mrâo.

Blŭ hlăm mmông bi tuôm, Khua bruă kƀĭn ala Vương Đình Huệ bi êdah klei hơ̆k mơak drông phung bi ala, Khua anôk bruă bi ala bruă hŏng tač êngao Việt Nam ti ala tač êngao, mñă klă bruă hŏng tač êngao hlăm wưng êgao mâo leh lu boh tŭ dưn, boh tŭ mbĭt mơ̆ng lăn čar hlăm dŭm thŭn êgao. Boih nik boh sĭt tar rŏng lăn dleh dưi ksiêm dlăng, ƀiădah klei tŭ jing mơ̆ng bruă hŏng tač êngao mâo lu boh tŭ dưn hlăm bruă dua tĭng leh anăn lu tĭng, mbruă hlăm klei bi kna hdră êlan, rơ̆ng kjăp wăl klei êđăp ênang kơ klei đĭ kyar, ñu kma hŏng tar rŏng lăn.