Drông êpul grŭp TCL, mâo Wang Cheng, Khua knơ̆ng kiă kriê êpul grŭp lač, ti Việt Nam, TCL mâo duh bi liê leh 3 bĭt anôk mkra mjing ti čar Bình Dương lehanăn Quảng Ninh hŏng ênoh duh bi liê êbeh 100 êklăk USD lehanăn dưi djăp hnơ̆ng mă bruă truh 6 êklăk mta mnơ̆ng dhơ̆ng/thŭn. Hlăm wưng tinăp, êpul grŭp TCL srăng lŏ pŏk mlar anôk ngă bruă, lehanăn rŭ mdơ̆ng sang mkra mjing mrâo, hưn mdah hŏng phung kăp čhĭ mnia ti Việt Nam, čiăng bi kjăp jih jang bruă bi mnia mblei.

Khua bruă kƀĭn ala Vương Đình Huệ bi mni kơ klei mĭn mkŏ mjing jih jang hdră êlan mă bruă mơ̆ng êpul grŭp TCL ti Việt Nam. Ti mmông drông Trương Thiên Nhiệm, Khua kiă kriê hlŏng jing khua bruă Đảng hlăm êpul grŭp, lehanăn phung khua prŏng mkăn hlăm êpul grŭp Tianneng, Khua bruă kƀĭn ala bi mni kơ êpul grŭp anei ruah leh Việt Nam jing anôk duh bi liê, lehanăn čang hmăng pral mâo ngă bruă, đru hlăm klei mđĭ kyar ti Việt Nam, lehanăn hyuă kjăp hĭn klei bi mguôp hlăm bruă duh mkra mnia mblei plah wah Việt Nam – China.