Hlăm mmông tŭ drông, Khua bruă kƀĭn ala Vương Đình Huệ yap yuôm bhăn dŭm klei đĭ kyar hlăm klei mjĕ giăm dua Đảng, dua lăn čar hlăm wưng êgao, boh nik jing bruă dua tĭng bi êlam leh anăn mđĭ hnơ̆ng klei bi mguôp hdră êlan kluôm dhuôm, mko mjing “Êpul êya kah mbha êdei anăp Việt Nam – China mâo boh tŭ dưn klă klơ̆ng”.

Dua tĭng hơ̆k mơak ƀuh hlăm wưng êgao, 6 hdră êlan bi mguôp prŏng plah wah dua lăn čar dưi hluê ngă leh anăn phŭn kčưm mâo dŭm boh tŭ dưn klă klă sĭt. Bi kơ klei mjĕ giăm dua anôk bruă kƀĭn ala, Khua bruă Kƀĭn ala mñă ktang hlăm klei gĭr mtŭt mđĭ “Klei đăo knang bruă kđi čar ƀrư̆ hruê ƀrư̆ ktang hĭn, klei mjĕ giăm plah wah dua anôk bruă kƀĭn ala amâo mâo mdei dưi bi kjăp leh anăn đĭ kyar êlam hĭn. Pô bi ala srăng lŏ jing kdrông mkŏ mtrŭt mđĭ tŭ dưn klei bi mguôp plah wah dua knŭk kna, đru hluê ngă jăk klei thâo săng mbĭt mơ̆ng khua gĭt gai gưl dlôn, ba klei mjĕ giăm dua Đảng, dua lăn čar amâo mâo mdei klei đĭ kyar êlam, hơĭt kjăp, leh anăn kjăp sui.”