VOV4.Êđê- Ti sang bruă kƀĭn ala, Khua bruă kƀĭn ala Vương Đình Huệ bi tuôm leh hŏng Pô bi ala Cuba ti Việt Nam Orlando Nicolas Hernandez Guillen lehanăn Pô bi ala Russia ti Việt Nam Gennady Bezdetko, hriê kkuh ƀri wưng păn bruă. Drông Pô bi ala Cuba, Khua bruă kƀĭn ala Vương Đình Huệ lehanăn Pô bi ala mñă klă, Việt Nam lehanăn Cuba hrăm mbĭt nanao, sa ai lehanăn bi đru hdơ̆ng găp hlăm wưng dleh dlan, kah mbha klei m’ak kơ dŭm boh tŭ dưi mâo hlăm hdră mkŏ mkra lehanăn răng mgang ala čar.

Drông Pô bi ala Russia, Khua bruă kƀĭn ala Vương Đình Huệ mñă Việt Nam dlăng myuôm klei bi mjĕ jăk siam lehanăn bi hgŭm kluôm hŏng Russia, čang hmăng lŏ mđĭ hĭn hdră bi hgŭm hlăm djăp mta bruă, kyua klei êđăp ênang, h’ĭt kjăp lehanăn đĭ kyar hlăm krĭng lehanăn tar rŏng lăn./.

Pô mblang: H’Nêč Êñuôl