VOV4.Êđê -  Tlam mmăt hruê 14/6, Khua bruă kƀĭn ala Vương Đình Huệ drông leh Pô bi ala New Zealand – aduôn Tredene Cherie Dobson. Khua bruă kƀĭn ala bi êdah klei m’ak ti anăp dŭm knhuang đĭ kyar jăk siam hlăm Klei bi mjĕ ƀĭng hgŭm phŭn Việt Nam - New Zealand hlăm wưng êgao.

Ƀri gưl anei, Khua bruă kƀĭn ala Vương Đình Huệ lač jăk kơ Knŭk kna New Zealand hlăm wưng dleh dlan đru leh kơ Việt Nam hlăm hdră gang mkhư̆ klei ruă Covid 19 lehanăn wăt hlăm wưng krŭ wĭt, đĭ kyar bruă duh mkra. Anôk bruă kƀĭn ala Việt Nam lač jăk kơ knŭk kna, mnuih ƀuôn sang New Zealand mđing dlăng, đru leh prăk ODA kơ Việt Nam hluê ngă dŭm mta kñăm đĭ kyar h’ĭt kljăp, mđing kơ bruă New Zealand mâo klei găl lehanăn Việt Nam dôk čiăng msĕ si bruă lŏ hma, mđĭ kyar krĭng ngă lŏ hma, bruă mjuăt bi hriăm, mđĭ klei thâo mnuih mă bruă, kriê dlăng lehanăn mdrơ̆ng hŏng klei truh jhat mơ̆ng yan adiê ngă, klei bi mlih yan adiê lehanăn bi hrŏ ƀun./.

H’Nêč pô mblang