Hlăm mmông drông, dua tĭng lač bruă mđĭ hnơ̆ng klei mjĕ giăm jing ƀĭng hgŭm hdră êlan kluôm dhuôm hlăm jih jang mbah Đảng, knŭk kna, Bruă kƀĭn ala leh anăn mjĕ mjuk mnuih ƀuôn sang, hlăm djăp mta bruă, hlăm anăn mâo dŭm mta bruă kdlưn hĭn msĕ si mlih mrâo hŏng klei mbruă, klei thâo mĭng mnuih mkra mjing, mtô mjuăt mnuih mă bruă, bi mguôp mkra čip, mlih pui kmlă, klei mkăp brei, mjuăt asei mlei leh anăn mjĕ êrô mnuih ƀuôn sang hŏng bruă mtô mjuăt bi hriăm.

Việt Nam dlăng yuôm bhăn Mi sa ai hŏng klei mĭn mơ̆ng Việt Nam leh anăn ASEAN ti ksĭ Ngŏ, hmăng hmưi bruă kƀĭn ala Mi srăng lŏ dơ̆ng uêñ mkĭn hŏng boh klei ti ksĭ Ngŏ, lŏ dơ̆ng đru kơ Việt Nam leh anăn dŭm ala čar hlăm alŭ wăl mđĭ ai dưi bruă knuă hlăm êa ksĭ, mtrŭt mjhar dŭm knơ̆ng bruă êa pui êwa čuh Mi ngă dŭm klei suang dlăng, mă êa pui djŏ hŏng hdră bhiăn hlăm krĭng bruă duh mkra, krĭng ksĭ mơ̆ng Việt Nam.