Blŭ hrăm hlăm klei bi kƀĭn, Khua bruă kƀĭn ala Vương Đình Huệ mñă klă, anei jing bruă hŏng tač êngao yuôm bhăn mơ̆ng Bruă kƀĭn ala mâo Phŭn bruă kđi čar bi mklă, Khua bruă kƀĭn ala mtă kơ dŭm anôk bruă brei ngă bi jăk amâo djŏ knŏng hjăn Bruă kƀĭn ala ôh, phung mda asei brei lŏ hưn mdah rup lăn čar, anak mnuih Việt Nam.

Khua bruă kƀĭn ala mtă wưng mprăp kơ klei bi kƀĭn amâo lu ôh, brei mprăp bi jăk leh anăn ktuê dlăng ƀhĭ klĭ djăp bruă mă čiăng rơ̆ng mkŏ mjing tŭ jing Klei bi kƀĭn. Khua bruă kƀĭn ala Vương Đình Huệ mtă, Knơ̆ng bruă hŏng tač êngao mơ̆ng Bruă kƀĭn ala brei ksiêm dlăng hdră ngă mbruă hlăm 8 blư̆ mkŏ mjing klei bi kƀĭn êlâo dih, wăt hdră bi hmô, klei bi mklă, hưn mdah mbĭt, bi mklă akŏ, boh phŭn mơ̆ng 4 klei bi trông, mĭn tĭng akŏ mơ̆ng klei hưn mdah Hà Nội./.