VOV4.Êđê -  Ti gŭ klei gĭt gai mơ̆ng Khua bruă kƀĭn ala Vương Đình Huệ, aguah hruê 7/9, Klei kƀĭn phung bi ala thơ̆ng kơ bruă mkŏ mjing leh knăm bi trông, brei klei blŭ kơ 6 klei čih mkra hdră bhiăn, 1 klei čih mkra hdră mtrŭn ba mdah kơ Anôk bruă kƀĭn ala bi mklă ti anôk bi kƀĭn tal 4 kơ anăp.

Blŭ ti knăm anei, Khua bruă kƀĭn ala brei thâo, mơ̆ng akŏ wưng păn bruă truh ară anei, Anôk bruă kƀĭn ala gưl XV mkŏ mjing leh 4 klei bi kƀĭn, ba mdah 8 hdră bhiăn, brei klei blŭ kơ 7 klei čih mkra hdră bhiăn mdê mdê, ba mdah 62 hdră mtrŭn mâo klei sa ai. Klei bi kƀĭn tal 4 anăp truh mơ̆ng bruă kƀĭn ala mâo bruă klam čih mkra hdră bhiăn yuôm bhăn.

Dŭm klei čih mkra ba mdah kơ anôk bruă kƀĭn ala bi mklă mâo leh Dhar bruă gĭt gai anôk bruă kƀĭn ala, knŭk kna gĭt gai mkŏ mjing hdră bi trông, mă klei blŭ ti lu anôk bi kƀĭn trông, đru kčĕ, Dhar bruă gĭt gai anôk bruă kƀĭn ala brei leh klei blŭ kơ dŭm bruă dôk mâo klei blŭ mdê mdê ti anôk bi kƀĭn kơ bruă čih mkra hdră bhiăn tal êlâo mơ̆ng Dhar bruă gĭt gai anôk bruă kƀĭn ala./.

H’ Nêč pô mblang