VOV4.Êđê- Ti knăm bi mni kơ Êpul čưng boh mniê Việt Nam mkŏ mjing aguah hruê 11/2, Khua bruă kƀĭn ala Vương Đình Huệ mđup brei leh mnơ̆ng Têt kơ pô mjuăt bi hriăm Êpul čưng boh mniê Mai Đức Chung lehanăn h’êč hmưi kơ boh tŭ bi lông êdah êdi mŏng Êpul čưng boh mniê Việt Nam. Dŭm hruê êgao, phung khua kiă kriê Đảng, Knŭk kna, anôk bruă kƀĭn ala mđing dlăng, m’ak êdi ti anăp klei tŭ dưi mơ̆ng Êpul čưng boh mniê Việt Nam. Hŏng klei gĭr jih ai tiê, pô mjuăt bi hriăm êpul Mai Đức Chung mbĭt hŏng jih êpul găn leh lu klei dleh dlan čiăng gưl tal êlâo hlăm hƀuê ênuk dưi nao bi lông ti Klei bi lông čưng boh mniê tar rŏng lăn 2023. Klei tŭ dưi mŏng êpul čưng boh êkei hlăm hruê 1 Têt lehanăn jing klei tŭ dưi mơ̆ng Êpul čưng boh mniê Việt Nam ti tuôr bi lông knhal tuič mơ̆ng Asian Cup mniê 2022 mjing leh ai lar bra jăk truh kơ mnuih khăp dlăng čưng boh hlăm ala čar Việt Nam./.

Pô mblang: H’Nêč Êñuôl