VOV4.Êđê - Ƀri gưl Álvaro Elizarde dưi ruah ngă Khua Thượng Viên leh anăn Raul Soto Mardones ngă Khua Hạ Viên ala čar Chile, bi ala kơ Bruă kƀĭn ala ala čar Yang ƀuôn ngă phŭn Việt Nam, Khua bruă kƀĭn ala Vương Đình Huệ mơĭt hră hơêč hmưi. Hlăm hră mơĭt kơ Álvaro Elizarde,  Khua Thượng viện Cộng hòa Chile leh anăn Raul Soto Mardones, Khua Hạ viện Cộng hòa Chile, Khua bruă kƀĭn ala Vương Đình Huệ bi êdah klei mơak ƀuh klei bi hgŭm kluôm ênŭm plah wah Việt Nam leh anăn Chile dôk đĭ kyar jăk siam; dua ala čar mrâo bi hdơr 50 thŭn mkŏ mjing klei bi hgŭm hŏng tač êngao. Hlăm wưng kơ anăp, Khua bruă kƀĭn ala Vương Đình Huệ čang hmăng, bi hgŭm tliêr kjăp hŏng bruă kƀĭn ala Chole kñăm mđĭ klei bi hgŭm plah wah Knŭk kna, bruă kƀĭn ala leh anăn yang ƀuôn Việt Nam - Chile ƀrư̆ hruê ƀrư̆ êlam hĭn, klă sĭt, tŭ dưn, kyua klei tŭ dưn klă sĭt mơ̆ng yang ƀuôn dua ala čar, kyua klei êđăp ênang, hơĭt kjăp, bi hgŭm, mđĭ kyar krĭng wăl leh anăn dlông rŏng lăn./.

H’Zawut pô mblang