Khua bruă kƀĭn ala Vương Đình Huệ kčưm nao čuă ala mtao Thailand
Thứ sáu, 08:27, 08/12/2023
VOV Tây Nguyên
VOV Tây Nguyên
VOV4.Êđê- Aguah mbruê 7/12, Khua bruă kƀĭn ala Vương Đình Huệ leh anăn êpul bi ala gưl dlông Việt Nam truh leh ti ƀuôn prŏng phŭn Bangkok, kčưm gưl nao čuă klă klơ̆ng ala Mtao Thailand.
Leh knăm tŭ drông, Khua bruă kƀĭn ala Vương Đình Huệ blŭ hrăm hŏng Khua bruă kƀĭn ala nah gŭ Thailand, bi klă klei kuôl kă plah wah dua anôk bruă Hdră bhiăn leh anăn 2 adŭ bruă Kbĭn ala. Leh kơnăn, jing dŭm mta bruă msĕ si bi tuôm hŏng khua gĭt gai gưl dlông Thailand, blŭ hrăm ti sang hră gưl prŏng Chulakongkorn, nao hlăm klei kƀĭn hdră êlan, hdră bhiăn mtrŭt mđĭ klei bi mguôp bruă duh mkra, mnia mblei, duh bi liê, nao hlăm knăm ba mdah adŭ bruă mnia mblei Việt Nam – Thailand, nao čuă anôk bruă bi ala Việt Nam ti Thailand, nao bi tuôm ti dŭm anôk bruă duh mkra prŏng mơ̆ng Thailand duh bi liê kơ Việt Nam.
Bi tuôm hŏng êpul êya knơ̆ng bruă leh anăn mnuih Việt Nam ti Thailand leh anăn đa đa bruă ti alŭ wăl.
Viết bình luận