Blŭ hrăm ti anôk bi kƀĭn, Khua briă kƀĭn ala brei thâo klei bi kƀĭn tal anei ksiêm kơ 5 mta bruă, hlăm anăn mâo dŭm bruă čih mkra hdră bhiăn kriê pioh lŏ mlih mrâo, klei mlih mrâo thiăm mbŏ hdră bhiăn pô răng mgang, ksiêm dlăng hâo mdah bruă đru čung ba mnuih ƀuôn sang mơ̆ng anôk bruă kƀĭn ala mlan 1 lehanăn dŭm bruă yuôm bhăn mkăn.

Kơ klei čih mkra hdra bhiăn kriê pioh lŏ mlih mrâo, phung bi ala lač hdră bhiăn anei mâo tŭ mă leh lu klei blŭ, pioh mlih mkra mơ̆ng anôk bi kƀĭn tal 6. Khua bruă kƀĭn ala mtă, mơ̆ng ară anei hlŏng truh ti mmông ba mdah kơ anôk bruă kƀĭn ala bi mklă, lehanăn hlŏng truh ti mmông mâo klei bi mklă knhal tuič, snăn lŏ bi ksiêm jih klei bhiăn čiăng bi sa hnơ̆ng, boh nik hlăm hdră bi mlih mrô, hlăm klei kriê pioh, knŭk kna mrô, klei duh mkra mrô, yang ƀuôn mrô, ksiêm bi mkă kdrăp mrâo mrang, hdră bhiăn răng mgang klei êđăp ênang êlan internet, hdră dưn yua kdrăp anei, hdră bhiăn răng mgang klei hgŭm kơ knŭk kna, hdră bhiăn kriê pioh dhar kreh./.